O Deportivo adxudicouse esta tarde no Estadio Universitario de Elviña a segunda edición do Memorial Antonio Meirás, ao derrotar ao Silva de Terceira División (0-5), no terceiro amigable deportivista desta pretemporada. Óscar Pinchi, Andone, Pedro, en dúas ocasións, e Borges foron os autores dos goles branquiazuis.
O encontro deixou os primeiros minutos de Carles Gil, Emre Çolak e Florín Andone, este con gol incluído, na pretemporada. Onte en Vilagarcía xa se estrearon Celso Borges e Gerard Valentín.
O partido foi de lóxico dominio branquiazul, acentuado na segunda parte co paso dos minutos, dada a fatiga do rival, e a verticalidad de Carles Gil e Juanfran por banda dereita. O atacante valenciano, ao que se lle viu dinámico e fresco, percutiu unha e outra vez na defensa do Silva.
Se onte se estreaba o canteirán Adrián co primeiro equipo, hoxe facíao por partida dobre Pedro, un dianteiro moi potente que ten a oportunidade de aprender este verán dos profesionais.
Silva: Guillermo, Lema, Michi Leal, Rebollo, Jacobo, Diego, Gabriel, Pedrito, Real, Rafa Borges e Joao Paulo. Tamén xogaron: Toni Insua, Damián, Cardelle, Movilla, Kata, Walmor Henrique, Douglas e Álex Matogueiras.
Deportivo, primeira metade: Rubén, Gerard, Arribas, Albentosa, Luisinho, Aarón (m. 23, Saúl), Edu, Óscar Pinchi, Emre, Fede Valverde e Andone.
Segundo tempo: Francis, Juanfran, Róber, Sidnei, Navarro, Guilherme, Carles Gil, Borges, Mosquera, Bruno Gama e Adrián (m. 69, Pedro)
Árbitro: José Manuel Cives Enjo, do Colexio Galego.
Goles: 0-1, m. 29: Óscar Pinchi; 0-2, m. 32, Andone; 0-3, m. 73: Pedro; 0-4, m. 85: Borges; 0-5, m. 89: Pedro
