O Dépor Genuine desprázase esta mañá a Málaga, onde esta fin de semana disputará a segunda fase de LaLiga Genuine 2021-2022, que terá como escenario o estadio de La Rosaleda.
Andrés Manuel Barbeito, Gabriel Cives, Sergio Díaz, Álvaro García, Alejandro Gómez, Saúl Jiménez, Gabriel López, Álvaro López, Samuel Martínez, Anxo Martínez, David Miranda, Alejandro Agustín Pereira, José Manuel Serrano, Daniel Trasancos, Cristian Vázquez e Mario Ventura son os 16 futbolistas convocados polos adestradores Lucía Otero e Carlos García.
Nesta ocasión, os rivais do Dépor Genuine serán Fundació Barça, SD Eibar Fundazioa, ambos na xornada de mañá sábado, e RCD Mallorca, na matinal do domingo.
Na primeira fase, disputada a inicios do pasado mes de abril en Las Palmas de Gran Canaria, o Dépor Genuine venceu a Real Betis Balompié e Fundación Albacete e perdeu ante o Fundació Futbol Base Reus. Con estes resultados, o Dépor Genuine ocupa a sétima praza do Grupo Compañeirismo con 7 puntos, dous menos que o trío de líderes que compoñen Fundación Club Atlético de Madrid, Sevilla FC e Fundació Barça.
O plan de viaxe do Dépor Genuine, após realizar esta mesma mañá a foto oficial do equipo en ABANCA-RIAZOR, é o seguinte:
Venres 13 de maio
9:45: Saída en autocar a Santiago
13:40: Saída do voo de Santiago con destino ao Aeroporto de Málaga
15:10: Chegada aproximada ao Aeroporto de Málaga e traslado ao hotel Sol Príncipe, en Torremolinos
Sábado 14 de maio
10:00: DÉPOR GENUINE - FUNDACIÓ BARÇA, no estadio de La Rosaleda (campo 1)
16:00: SD EIBAR FUNDAZIOA - DÉPOR GENUINE, no estadio de La Rosaleda (campo 1)
Domingo 15 de maio
9:00: DÉPOR GENUINE - RCD MALLORCA, no estadio de La Rosaleda (campo 2)
15:55: Saída do voo do Aeroporto de Málaga con destino Santiago
17:25: Chegada aproximada a Galicia
