RCDeportivo RCDeportivo RCDeportivo
Skip to main content
GL
PORTADA

O Dépor Genuine e o Colexio Liceo xogan ao fútbol sala pola integración

O equipo de LaLiga Genuine do RC Deportivo disputou este mediodía un encontro de fútbol sala no polideportivo do Colexio Liceo La Paz, no que deportivistas e alumnos de 2º de ESO do centro xogaron mesturados en aras da normalización do deporte na sociedade.

A Fundación RC Deportivo promoveu esta actividade co fin de impulsar a integración, a educación en valores, o fomento e a normalización do deporte adaptado, ademais de servir como preparación e adestramento para os próximos compromisos competitivos do Dépor de LaLiga Genuine.

Andrés, Bárbara, Gabriel Cives, Carmen, Samuel, Iván Bernardez, Agustín, Alejandro Lugrís, Nacho, Jesus, Anxo, Nikita, Mario, Álex Rei, Juan e Javier foron os xogadores do Dépor que participaron na xornada da que gozaron tanto xogadores como público.

Como reflicte o Colexio Liceo na súa páxina web: "Para o noso Centro foi un privilexio recibir a un colectivo que simboliza moitos dos valores que promulgamos, e que han achegando aos nosos alumnos vivencias que dificilmente esquecerán: as paradas de Nacho, os ánimos de Nikita, as xogadas de Álex Rei (antigo alumno do cole) e, por suposto, o 'o día que me morra, eu quero o meu caixón…' de Álex Pereira".