Carlos Fernández, que hoxe mesmo recibiu a alta médica; e Pablo Marí, recuperado do seu elongación na coxa esquerda, entraron na lista de 21 convocados para o partido de mañá domingo 31 de marzo no Estadio Carlos Tartiere de Oviedo (18:00 horas, Movistar Partidazo).
"Están ben", apuntou en rolda de prensa Natxo González. "Carlos adestrou toda a semana e Pablo empezou onte un pouquiño co grupo e hoxe fíxoo todo. Por tanto ben", engade.
Explica así mesmo o técnico deportivista que leva a 21 futbolistas "por algunha dúbida que poida ter aínda, e ter cubertos posibles imprevistos que poida haber. Que non nos vexamos sorprendidos por nada".
Quedan fóra da convocatoria de maneira obrigada Edu Expósito, sancionado; e Krohn-Dehli, lesionado. Ambos exercitáronse hoxe sábado co readaptador, Fran Molano.
Esta mañá, en ABANCA-RIAZOR, o cadro realizou exercicios de automatismos de ataque con finalizacións, un partido táctico ao ancho do campo e, para concluír, repaso de accións de estratexia baixo a dirección de Alejandro Esteve.
Os convocados viaxan esta tarde por estrada, segundo esta folla de ruta:
Sábado 30 de marzo
17:00: Saída en autocar desde Abegondo
20:00: Chegada aproximada e aloxamento no Hotel NH Principado
Domingo 31 de marzo
18:00: Real Oviedo - Deportivo, no Estadio Carlos Tartiere
Ao finalizar regreso en autocar
Após o encontro, o cadro adéstrase de novo o martes 2 de abril ás 11:00 en Abegondo.
