O Dépor regresa ao céspede cun intenso adestramento físico
O primeiro equipo comezou a preparar hoxe martes 23 de outubro a visita do CF Reus Deportivo ao Estadio ABANCA-RIAZOR, prevista para este sábado 27 de outubro (16:00 horas, LaLiga 1|2|3 TV), correspondente á 11ª xornada.
Após media hora de charla no vestiario, os futbolistas saltaron ao céspede ás 11:30 horas dunha asollada mañá na Cidade Deportiva.
Despois dun quecemento e un traballo preventivo, o cadro, hoxe tamén co meta fabrilista Pedro López, realizou un circuíto físico con finalizacións, de alta intensidade.
A continuación, Natxo González tomou as rendas para un traballo de conservación de balón no campo 2.
Quedaron no ximnasio os 'tocados' Krohn-Dehli e Dubarbier; mentres que Fede Cartabia saltou ao céspede co readaptador, Fran Molano.
Mañá mércores, os futbolistas están citados de novo en Abegondo ás 11:00 horas.