O Dépor regresou aos adestramentos xa coa presenza de Keko
Tralo día de descanso de onte xoves, o Deportivo comezou a preparar esta mañá en Abegondo a visita da SD Huesca a ABANCA-RIAZOR, prevista para este domingo 5 de xullo (17:00 horas, #Vamos).
A novidade foi a presenza de Keko Gontán, que realizou toda a sesión con normalidade. Adestráronse á marxe do grupo Peru Nolaskoain, este baixo a supervisión do readaptador Fran Molano; Uche Agbo; e Dani Giménez, o meta hoxe con traballo específico.
Despois dun quecemento con rondos, Fernando Vázquez dispuxo dun exercicio táctico e un partido a metade do campo 2, en espazo reducido.
Mañá sábado, o cadro está citado ás 11:00 en Abegondo para un novo adestramento, o último antes do choque ante o equipo oscense.