Coas entradas despachadas a socios e peñas do Real Club Deportivo na Coruña para o partido de mañá ás 21:00 horas fronte ao Leganés en Butarque, serán algo máis de 200 os deportivistas que animarán ao equipo desde a tribuna visitante do estadio 'pepinero'.
Unha parte importante dos 219 desprazados á Comunidade de Madrid desprazaranse nos autobuses financiados polo Real Club Deportivo. A Federación de Peñas estará en Leganés representada por 20 agrupacións: Torcida de Riazor, Chamberí Branquiazul, Caramuxo, Burela, Jaballi, Al Sur de Riazor, Centenariazo, Verín-Pablo Amo, Rías Baixas, Rebumbio, Djalminha, Faluya, Camándulas RCD, Mazaricos, Rouba Rixóns, Bodipo, El Bierzo, Non Vale Furar, La Cuesta e Lukas y Sus Amigos.
Para facilitar a viaxe nun día laborable, o Real Club Deportivo fretou autobuses e asumiu o 50 por cento do prezo das entradas do partido, polo que os afeccionados deportivistas só desembolsaron 15 € para poder acceder ao campo madrileño. Os autobuses sairán ás 13:00 horas de mañá venres desde a explanada do Palacio dos Deportes de Riazor. O regreso será á conclusión do partido.
