O Deportivo, cos fabrilistas Edu Expósito e Francis, incidiu no adestramento vespertino de hoxe no traballo táctico, no campo 2 da Cidade Deportiva de Abegondo.
Así, Pepe Mel dispuxo exercicios de ataque e movementos defensivos.
Celso Borges adestrouse no ximnasio e Carles Gil estivo ás ordes do readaptador, Fran Molano.
Mañá mércores 2 de agosto, o cadro está citado de novo en Abegondo ás 10:00 horas. Será o único adestramento previsto.
