O Concello de Ferrol acolleu a presentación do DéporCampus Cabreiroá de Caranza, que por terceiro ano será realidade grazas á colaboración entre o RC Deportivo, o Club Galicia Caranza SCDR e o consistorio local.
Caranza repetirá como sede dun dos once DéporCampus Cabreiroá, após ter acollido tres campus con anterioridade (o pasado ano houbo un no verán e outro en Nadal), e farao nunha soa quenda, do 26 ao 30 de xuño. O Campo Municipal de Caranza será a sede deste DéporCampus Cabreiroá, cuxas inscricións están abertas a nenas e nenos de entre 6 e 14 anos e poderán realizarse ata o mediodía do xoves 22 de xuño.
Na fotografía superior, os participantes no acto de presentación. De esquerda a dereita: Pablo Barros (Director do Campus), Suso Basterrechea (Concelleiro de Deportes), José Barcala (Responsable de Metodoloxía do RC Deportivo), David Pérez (Coordinador do Galicia Caranza) e Kike Soto (Presidente do Galicia Caranza).
Podes atopar toda a información dos DéporCampus Cabreiroá en deporcampus.rcdeportivo.es/gl.
