O Deportivo ABANCA encara con toda a súa artillaría o seguinte compromiso ligueiro, mañá domingo 4 de febreiro en Ponte dos Brozos (Arteixo) ás 12:00 horas ante o Victoria FC de Santiago, en partido correspondente á 17ª xornada no grupo 1º de Segunda División Nacional.
Os socios deportivistas teñen libre acceso ao recinto arteixán. Para o público, a entrada sénior costa 10 euros e 3 euros para os menores de 16 anos.
Manu Sánchez, técnico deportivista, citou ás seguintes xogadoras: Malena, Anita, Raquel, Patri, Lía, Silvia Mérida, Jone, Iris, Kika, Sara, Nuria, Peke, Oreiro, Gaby, Teresa e Estefi.
O equipo branquiazul é líder do grupo 1º de Segunda División Nacional con 46 puntos, con 1 punto de diferenza sobre o Oviedo Moderno, que ten 45.
