Coas probas médicas habituais a todos os equipos de #ANOSACANTEIRA, o Deportivo ABANCA B inicia mañá luns 2 de agosto ás 10:30 en Abegondo a pretemporada.
O filial deportivista, que competirá no grupo 1º de Primeira Nacional, estará dirixido por Kevin Cabado. Completan o corpo técnico Óscar Orro (segundo adestrador), Antonio Jesús Mongue (preparador físico) e José Antonio Castro Bergondo (delegado).
As xogadoras citadas para adestrar son as seguintes:
- Porteiras: Nuria Gómez, Andrea Rodríguez 'Reigosa' (xuvenil do Orzán SD), Martina Rivas (cadete do Orzán SD) e Uxía Rabañal (cadete do Orzán SD).
- Defensas: Eva Santamaría (procedente do Orzán SD), Aroa González, Paula Novo, Andrea Ansede, Uxía Cabada, Antía Brage (cadete do Orzán SD), Daniela Agilda e Uxía López (cadete do Orzán SD).
- Centrocampistas: Carmen Carballada (procedente do Orzán SD), Marta Rico, Iria Otero (xuvenil do Orzán SD), Laura Testa, Elena López (procedente do Sporting de Gijón), Laura Deus (xuvenil do Orzán SD), Lucía Fontes (xuvenil do Orzán SD) e Valeria Filgueira (xuvenil do Orzán SD).
- Dianteiras: María Calvo, Carmen Vázquez 'Trillo' (procedente do Orzán SD), Marta Méndez (procedente do Orzán SD), Laura Otero (cadete do Orzán SD) e Carlota Paderne (cadete do Orzán SD).
Ademais, María Figueroa, Tatiana García 'Tati', Paula Monteagudo, Noela Sánchez e Aroa Guerra están a adestrar cada día co primeiro equipo.
O conxunto deportivista arrincará a liga no grupo 1º de Primeira Nacional a fin de semana do 4 e 5 de setembro coa visita a un dos equipos destacados da categoría, o Viaxes InterRías FF.
A última xornada do ano 2021 será o 12 e 13 de decembro en Abegondo ante o Umia FC. Após o parón do Nadal, a competición renóvase o 8 e 9 de xaneiro de 2022 co partido na Cidade Deportiva ante o Viaxes InterRías FF, primeiro da segunda volta. A temporada concluirá a fin de semana do 23 e 24 de abril de 2022 no campo precisamente do Umia FC.
O derbi coruñés fronte ao Victoria CF será o 5 de decembro na Coruña (xornada 12ª); e o 10 de abril de 2022 en Abegondo (xornada 25ª).
