O Deportivo ABANCA B afrontará o comezo da pretemporada da segunda campaña da súa historia con 18 futbolistas, entre as que destacan o oito xogadoras incorporadas desde o Orzán SD.
Outras oito xogadoras continuarán nas filas do segundo equipo feminino branquiazul: Ainhoa Danis, Noe Porteiro, Ari Reboredo, Laura Raña, Alba Suárez, Ana González, Michelle Clemente e Vero Rodríguez.
Deste xeito, dez novas xogadoras incorpóranse ao Deportivo ABANCA B.
As oito futbolistas procedentes do Orzán SD son as seguintes: Mar Álvarez, Jessica Carro, Carmen Martínez, Lara López, Sara Piñeiro, Sofía Rodríguez, Lida Novo e Antía Delgado. Todas elas son nacidas no ano 2001, o que reforza a idea de dar saída ás xogadoras das categorías inferiores do club aurinegro que, por convenio, conforman as categorías inferiores do RC Deportivo.
Ademais, chegan dúas caras novas desde outros clubs. Sara Iglesias (Ural CF) e María Miralles (Vilarreal CF) completan a nómina do Deportivo ABANCA B 2017-2018, que comezará os adestramentos o 1 de agosto na Cidade Deportiva de Abegondo.
