O Deportivo ABANCA B derrota ao SCD Milagrosa a golazo limpo
O Deportivo ABANCA B derrotou (8-0) ao SCD Milagrosa en Abegondo, en partido correspondente á 8ª xornada na Primeira Autonómica Feminina que se converteu nunha nova exhibición ofensiva do cadro branquiazul.
Lucía -3-, Antía -2-, María Calvo, Carlota e Rivas foron as autoras dos goles deportivistas.
Con este resultado, o Deportivo ABANCA B mantense á fronte da clasificación con 24 puntos de 24 posibles. Ademais, os rexistros de goles a favor e en contra falan ben ás claras da súa superioridade até a data sobre os seus rivais: 44 tantos marcados por 2 encaixados en 8 partidos.
Deportivo ABANCA B: Ana, Bermúdez, Rivas, Sofía, Antía, Patri, Sara Piñeiro, Lara, Carlota, María Calvo e Lucía. Tamén xogaron: Andrea e Ainhoa.
A próxima fin de semana, o Deportivo ABANCA B visita ao Victoria FC B de Santiago, un dos equipos máis en forma.
A liga transcorre así para o equipo que dirixe Kevin Cabado:
Antas 0 - Deportivo ABANCA B 8 (Patri López -5-, Alba Suárez e 2 xogadoras rivais en propia meta) Deportivo ABANCA B 2 (Michelle Clemente e Sara Piñeiro) - Umia 0 Arcadia EF 0 - Deportivo ABANCA B 4 (Lucía, Sofía, María Calvo e Alba Suárez) Deportivo ABANCA B 6 (María Calvo -2-, Ainhoa -2-, Alba Suárez e Sara Piñeiro) - Orzán 1 SD Villestro 0 - Deportivo ABANCA B 5 (Michelle Clemente -2-, Alba Suárez, Carlota e Patri López) Deportivo ABANCA B 3 (Antía, Alba Suárez e Alba Martínez) - UD Mos 1 SD Tordoia 0 - Deportivo ABANCA B 8 (Alba Suárez -3-, Lucía -2-, Patri López, Michelle Clemente e Lara) Deportivo ABANCA B 8 (Lucía -3-, Antía -2-, María Calvo, Carlota e Rivas) - SCD Milagrosa 0