A Federación Española de Fútbol fixo público hoxe luns o calendario do grupo 1º de Primeira Nacional Feminina no que competirá o Deportivo ABANCA B.
O conxunto deportivista arrancará a fin de semana do 4 e 5 de setembro coa visita a un dos 'fanfurriñeiros' da categoría, o Viajes InterRías FF.
A última xornada do ano 2021 será o 12 e 13 de decembro en Abegondo ante o Umia FC. Tralo parón do Nadal, a competición retómase o 8 e 9 de xaneiro de 2022 co partido na Cidade Deportiva ante o Viajes InterRías FF, primeiro da segunda volta. A temporada concluirá a fin de semana do 23 e 24 de abril de 2022 no campo precisamente do Umia FC.
O derbi coruñés fronte ao Victoria CF será o 5 de decembro na Coruña (xornada 12ª); e o 10 de abril de 2022 en Abegondo (xornada 25ª).
Apunta a Federación que de cara á temporada 2022-2023 haberá unha nova reestruturación no fútbol feminino: a Primera Iberdrola terá unicamente 14 equipos (non os 16 que hai agora mesmo); e Reto Iberdrola quedará constituída nun só grupo de 16 equipos. Isto leva á creación dunha nova categoría, a Terceira RFEF, constituída por dous grupos de 16 equipos cada un.
A pasada campaña, o Deportivo ABANCA B acabou en cuarta posición do grupo 1º de Primeira Nacional nunha temporada na que ademais varias das súas futbolistas foron asiduas nas convocatorias e nas aliñacións do primeiro equipo en Primera Iberdrola: Jessica, Patri López, Carlota, Eva Dios, María Figueroa, Tati ou Marta Rico, a última en debutar na máxima categoría do fútbol nacional.
Xornada 1 (05/09/2021) | Xornada 14 (09/01/2022) |
Viajes InterRías FF | Deportivo ABANCA B |
Xornada 2 (12/09/2021) | Xornada 15 (16/01/2022) |
Deportivo ABANCA B | Sporting de Gijón SAD B |
Xornada 3 (19/09/2021) | Xornada 16 (23/01/2022) |
CF Versalles A | Deportivo ABANCA B |
Xornada 4 (03/10/2021) | Xornada 17 (30/01/2022) |
Deportivo ABANCA B | CD Olímpico de León |
Xornada 5 (10/10/2021) | Xornada 18 (06/02/2022) |
Deportivo ABANCA B | SD Villestro |
Xornada 6 (17/10/2021) | Xornada 19 (20/02/2022) |
UD Mos | Deportivo ABANCA B |
Xornada 7 (31/10/2021) | Xornada 20 (27/02/2022) |
Deportivo ABANCA B | Sárdoma CF |
Xornada 8 (07/11/2021) | Xornada 21 (06/03/2022) |
Peluquería Mixta Friol | Deportivo ABANCA B |
Xornada 9 (14/11/2021) | Xornada 22 (13/03/2022) |
Deportivo ABANCA B | Oviedo Moderno CF B |
Xornada 10 (21/11/2021) | Xornada 23 (27/03/2022) |
Gijón FF | Deportivo ABANCA B |
Xornada 11 (28/11/2021) | Xornada 24 (03/04/2022) |
Deportivo ABANCA B | Victoria FC |
Xornada 12 (05/12/2021) | Xornada 25 (10/04/2022) |
Victoria CF | Deportivo ABANCA B |
Xornada 13 (12/12/2021) | Xornada 26 (17/04/2022) |
Deportivo ABANCA B | Umia FC |