O Deportivo ABANCA B impúxose no derbi coruñés ao Orzán (1-3) grazas sobre todo a un gran segundo tempo e aos golazos de Sara Piñeiro, de córner directo, Vero e Antía, nun gran disparo desde o centro do campo. Estes dous últimos tantos chegaron na recta final dun encontro correspondente á 16ª xornada na Primeira Autonómica Feminina, primeira da segunda volta da liga.
Con este resultado, o Deportivo ABANCA B suma 38 puntos e iguala na segunda praza co Atlético Arousana. O líder segue sendo o Valladares, con 48 puntos, precisamente o próximo equipo que visitará Ponte dos Brozos (Arteixo), o domingo 21 de xaneiro.
Deportivo ABANCA B: Jessi, Ainhoa, Noe, Sofía, Alba Pérez, Lara, Sara Piñeiro, Antía, Michelle, Lidia e Vero. Tamén xogaron: Miralles, Ari, Alba Martínez, Mar e Carmen.
Os resultados até a data do Deportivo ABANCA B son os seguintes:
Deportivo ABANCA B 2 (Alba Suárez e Vero) - Orzán 0
Valladares 1 - Deportivo ABANCA B 0
Deportivo ABANCA B 0 - Viajes InterRías 0
Umia 1 - Deportivo ABANCA B 4 (Vero, Sara Iglesias, Lidia e unha futbolista rival en propia meta)
Deportivo ABANCA B 5 (Vero -3-, Ari e Alba Suárez) - EFM Concello de Boiro 1
Torre 0 - Deportivo ABANCA B 4 (Alba Suárez, Alba Martínez, Michelle e Sara Iglesias)
Deportivo ABANCA B 3 (Alba Suárez, Alba Martínez e Lidia) - Victoria FC B 2
Atlético Arousana 5 - Deportivo ABANCA B 3 (Vero, Lidia e Ari)
Deportivo ABANCA B 5 (Vero -3- e Alba Suárez -2-) - Victoria CF B 0
SD Val 0 - Deportivo ABANCA B 0
UD Mos 1 - Deportivo ABANCA B 2 (Michelle e Mar)
Deportivo ABANCA B 5 (Alba Suárez -2-, Alba Pérez, Ainhoa e Michelle) - Sárdoma B 3
Tordoia 0 - Deportivo ABANCA B 3 (Alba Pérez, Sara Iglesias e Vero)
Deportivo ABANCA B 6 (Patri -3-, Vero -2- e Michelle) - SCD Milagrosa 2
UD Ourense 1 - Deportivo ABANCA B 3 (Michelle, Lidia e Vero)
Orzán 1 - Deportivo ABANCA B 3 (Sara Piñeiro, Vero e Antía)
