O Deportivo ABANCA B xa coñece o seu calendario ligueiro
O Deportivo ABANCA B comezará o campionato ligueiro en Primeira División no campo Castro Seoane de Antas de Ulla (Lugo) o vindeiro domingo 9 de setembro.
O primeiro encontro na Cidade Deportiva de Abegondo será na 2ª xornada, na que as deportivistas recibirán ao Umia CF, un equipo que a pasada temporada estivo na zona alta.
O Deportivo ABANCA B pechará a liga en Vigo ante o Sárdoma CF B, o 12 de maio de 2019.
O primeiro derbi coruñés será na xornada 4 (30 de setembro), cando o conxunto coruñés reciba en Abegondo ao Orzán SD. A volta será o 3 de febreiro de 2019 (xornada 19).
O resto de choques de máxima rivalidade serán: ante o Victoria CF B o 18 de novembro (xornada 11) na Coruña e o 14 de abril (xornada 26) de 2019 en Abegondo; e fronte ao SCD Pastoriza o 25 de novembro (xornada 12) en Abegondo; e o 28 de abril de 2019 en Oseiro (Arteixo).