Após a vitoria o pasado martes na Copa Galicia ante o Atlántida de Matamá (1-0), o Deportivo ABANCA retorna á liga mañá na Cidade Deportiva, ás 12:00, fronte ao Victoria FC, en choque correspondente á 23ª xornada no grupo 1º de Segunda División Nacional.
Como é habitual en liga, os socios deportivistas teñen libre acceso á Cidade Deportiva. Para o público, a entrada custa 10 euros, e 3 euros para os menores de 14 anos.
A falta de 4 partidos, é dicir, 12 puntos en xogo, as deportivistas mandan na categoría con 64 puntos por 57 do Oviedo Moderno CF, segundo clasificado.
Manu Sánchez volve recorrer ao Deportivo ABANCA B e convocou a 3 canteirás: Patri López, Alba Suárez e Sofía. Completan a citación as seguintes xogadoras: Anita, Miralles, Iris, Gaby, Peke, Cris, Silvia Mérida, Lía, Laura, Miriam, Alba Merino, Patri Díaz, Ali Muñoz, Teresa Abelleira e Érika.
