Tres futbolistas do Deportivo ABANCA foron citadas para uns adestramentos da Selección Española sub-19 que se desenvolverán do luns 29 ao mércores 31 de xaneiro na Cidade do Fútbol en Las Rozas (Madrid): Teresa Abelleira, Malena Mieres e Nuria Rábano.
Desta forma, o cadro deportivista convértese nun dos tres equipos que máis futbolistas achega ao combinado nacional, só superado polo Atlético de Madrid (5 seleccionadas) e o Athletic Club (4); e por diante de importantes clubs como FC Barcelona, RCD Espanyol, Levante UD ou Valencia CF.
