O Deportivo Abanca volverá á competición no Grupo 1º da Segunda División Nacional o vindeiro domingo 23 de abril, coa visita ao Tordoia, en partido pertencente á xornada 25, penúltima de liga. O choque arranca ás 18:00 horas en Tordoia.
Manu Sánchez, técnico deportivista, planificou catro adestramentos para preparar o encontro. Nuria Rábano será baixa ata o xoves. A atacante branquiazul, un dos alicerces do Deportivo Abanca, estará concentrada na Ciudad del Fútbol de Las Rozas (Madrid) do luns 17 ao mércores 19 de abril.
Nuria colle o testemuño de Tere Abelleira, capitá do Deportivo Abanca, que acaba de clasificarse coa Selección Española Sub-17 no Torneo Elite de Portugal para o Campionato de Europa da categoría que se xogará na República Checa.
O plan semanal do equipo branquiazul é o seguinte:
Luns 17 de abril
20:30: Adestramento en Arteixo
Mércores 19 de abril
20:30: Adestramento en Abegondo
Xoves 20 de abril
20:30: Adestramento en Abegondo
Venres 21 de abril
19:00: Adestramento en Abegondo
O Deportivo Abanca marcha segundo do grupo con 59 puntos, a 5 puntos de distancia do Oviedo Moderno, líder con 64 puntos.
