O Deportivo Abanca e os Servizos Médicos do Club están pendentes das probas médicas complementarias que se realizarán estes días do xeonllo esquerdo de Perdi, lesionada aos vinte minutos do partido do pasado sábado en Arteixo ante o CD Monte.
Por outra parte, o equipo comeza mañá martes 14 de febreiro a preparar a visita ao Atlético Arousana, prevista para o domingo 19 de febreiro ás 12:00 no campo da Lomba. O partido corresponde á 19ª xornada en Segunda División Nacional.
A planificación de adestramentos do conxunto dirixido por Manu Sánchez é a seguinte:
Martes 14 de febreiro
20:30: Adestramento en Ponte dos Brozos (Arteixo)
Mércores 15 de febreiro
20:00: Adestramento de ximnasio en Termaria Casa da Auga
Xoves 16 de febreiro
20:30: Adestramento en Abegondo
Venres 17 de febreiro
20:30: Adestramento en Abegondo
O Deportivo Abanca é actualmente segundo na clasificación con 41 puntos, a 9 puntos de distancia do líder, o Oviedo Moderno.
