O Deportivo Abanca recibe mañá en Arteixo ao Sárdoma
O Deportivo Abanca recibe mañá domingo 26 de febreiro ao Sárdoma CF en Arteixo, a partir das 17:00 horas, en partido correspondente á 20 xornada no grupo 1º de Segunda División Nacional.
O Deportivo Abanca é segundo na clasificación do grupo 1º de Segunda División Nacional, con 44 puntos, a 7 de distancia do líder, o Oviedo Moderno, que ten 51 puntos.
Como é habitual, os socios do Deportivo teñen libre acceso ao partido. Para o público, a entrada sénior costa 10 euros; e 3 euros para os menores de 16 anos.
Manu Sánchez, técnico branquiazul, citou a estas xogadoras: Anita, Malena, Ari, Cris, Carmela, Elvira, Estefi, Miriam, Tere, Gabi, Nuria, Kika, Gere María Corral, Miga e Tami.
Entre as convocadas está a capitá Tere Abelleira, que acaba de participar nuns adestramentos da Selección Española Sub-17 en Madrid.