Para evitar coincidir co Deportivo no RCDE Stadium (domingo 24 de setembro ás 12:00 horas) e co Fabril (o domingo 24 de setembro ás 17:00 horas en Abegondo), o Deportivo ABANCA cambia o seu horario habitual para o partido do CD Femiastur, pertencente á 3ª xornada de liga no grupo 1º de Segunda División Nacional.
O encontro xogarase en Ponte dos Brozos (Arteixo) mañá sábado 23 de setembro ás 17:00 horas. Os socios deportivistas teñen libre acceso ao recinto. Para o público, a entrada sénior costa 10 euros; e 3 euros para os menores de 16 anos.
Manu Sánchez, técnico deportivista, citou a estas xogadoras: Malena, Sheila, Cris, Miga, Laura, Miriam, Patri, Iris, Kika, Gaby, Estefi, Sara, Jone, Peke, Lía e María Corral.
Con dous partidos disputados, o liderado do grupo compárteno o Deportivo ABANCA e o Oviedo Moderno, con 6 puntos; aínda que por diante as deportivistas por mellor diferencia de goles.
