Tras unha semana de parón ligueiro, o Deportivo Abanca recibe mañá domingo 29 de xaneiro en Arteixo (17:00) ao Ave Fénix Racing, en partido correspondente á decimoséptima xornada no grupo primeiro da Segunda División Nacional.
Manu Sánchez, técnico deportivista, citou a estas xogadoras: Anita, Ameneiros, Miga, Cris, Carmela, Perdi, Ari, Miriam, Tere Abelleira, Gere, Patri, Elvira, Estefi, Noe, Nuria e Lía.
As cántabras están na zona alta da táboa do grupo 1º da Segunda División Nacional. Son cuartas con 34 puntos, a 3 puntos do Deportivo Abanca, segundo clasificado con 37 puntos; á súa vez a 7 do líder, Oviedo Moderno, que suma 44 puntos.
Como é habitual, os socios do Deportivo teñen libre acceso ao partido. Para o público, a entrada sénior custa 10 euros; e 3 euros para os menores de 16 anos.
