O Deportivo ABANCA viaxa esta tarde a Asturias para medirse ao Oviedo Moderno, en partido pertencente á 10ª xornada do grupo 1º en Segunda División Nacional, previsto para mañá domingo 19 de novembro ás 12:30 horas no campo Díaz Veiga de Oviedo.
O obxectivo das deportivistas é lograr o tres puntos en xogo e recuperar o liderado.
Manu Sánchez, técnico deportivista, citou a estas xogadoras: Anita, Malena, Patri, Kika, Gaby, Peke, Silvia Mérida, Laura, Cris, Lía, Iris, Miriam, Teresa, Oreiro, Sara e Nuria.
O Deportivo ABANCA marcha segundo na táboa con 25 puntos, por 27 puntos as ovetenses, líderes do grupo.
Apoio do deportivismo desde as bancadas
O Real Club Deportivo quixo facilitar a todos os deportivistas o desprazamento ao partido máis importante da temporada do Dépor ABANCA lonxe de Ponte dos Brozos e, da man da Federación de Penas, puxo os seus recursos ao alcance dos afeccionados para estar en Oviedo.
O Dépor faise cargo do traslado dun autocar para todos os afeccionados que queren estar no estadio Manuel Díaz Veiga animando a #AsNosas nun dos partidos que marcarán o desenlace da competición.
