O Deportivo Abanca retorna á competición no Grupo 1º da Segunda División Nacional mañá domingo 23 de abril, coa visita ao Tordoia, en partido pertencente á xornada 25, penúltima de liga. O choque arrinca ás 18:00 horas no campo da Rega, de Tordoia.
Manu Sánchez, técnico deportivista, citou para o partido a estas futbolistas: Anita, Ameneiros, Cris, Carmela, Estefi, Miriam, Kika, Gabi, Nuria, Ari, María Corral, Miga, Patri, Tere, Elvira e Vero, este última pichichi do Deportivo Abanca B de Primeira Autonómica.
Na convocatoria están Nuria Rábano, que acaba de participar nuns adestramentos coa Selección Española Sub-19; e Tere Abelleira, que xogará nos próximos días a Fase Final do Campionato de Europa coa Selección Española Sub-17.
O Deportivo Abanca marcha segundo do grupo con 59 puntos, a 5 puntos de distancia do Oviedo Moderno, líder con 64 puntos.
