O Deportivo recibe este sábado ao Villarreal en Riazor (20:45, Bein Sports) con todos os seus futbolistas dispoñibles e o canteirán Óscar. Quedan fóra da lista os lesionados Bruno Gama e Carles Gil; Fayçal, na Copa de África con Marrocos; Juanfran, sancionado; e Ola John, recentemente chegado ao equipo neste mercado de inverno.
Gaizka Garitano traballou esta tarde fundamentalmente aspectos tácticos, de cara ao choque ante o conxunto amarelo.
Ola John realizou o primeiro adestramento na cidade deportiva, tras superar esta mañá o recoñecemento médico e asinar o contrato que o vincula ao Deportivo ata o próximo 30 de xuño.
O atacante holandés exercitouse con Carles Gil, ambos baixo a supervisión de Fran Molano, readaptador deportivo.
No vestiario quedou Bruno Gama, con tratamento médico e de fisioterapia.
Tras o partido ante o Villarreal, o equipo retoma de novo os adestramentos o luns 16 de xaneiro ás 11:00 en Abegondo.
