Tres futbolistas arrincaron a semana de adestramentos do Deportivo á marxe do grupo. Pedro Mosquera traballa co readaptador, Fran Molano; mentres que Sidnei e Joselu están en repouso deportivo.
Os demais membros do cadro, incluídos os fabrilistas Nacho Monsalve, Edu e Lucas, adestráronse no campo 2, nun adestramento consistente fundamentalmente nun exercicio de posesión, un traballo táctico de defensa-ataque nos dous campos, un partido con tres porterías e, para concluír, un partido once para once a campo completo.
Mañá xoves, o equipo regresa a Riazor, nunha sesión a porta pechada que arrancará ás 10:30 horas.
