Natxo González fixo fincapé esta mañá na posesión de balón de cara ao partido deste sábado 16 de febreiro en ABANCA-RIAZOR ante o Nàstic de Tarragona (16:00 horas, LaLiga 1|2|3 TV).
O técnico deportivista quere que o seu equipo se apropie da pelota, sobre todo nos partidos do Dépor en ABANCA-RIAZOR.
O equipo, hoxe cos fabrilistas Víctor García, Javi Cobo, Arturo Segado e Montiel, arrancou cun quecemento e uns rondos.
Adestráronse á marxe do grupo Vicente Gómez, Krohn-Dehli, Pedro Mosquera, Carlos Fernández e Pedro Sánchez. Estes dous últimos saltaron ao céspede co readaptador, Fran Molano.
Mañá xoves, o Dépor volve aos adestramentos ás 11:00 horas en Abegondo.