O Dr. Carlos Sampedro incorporouse esta semana aos Servizos Médicos do Real Club Deportivo. O Dr. Sampedro é un prestixioso médico que se formou na Universidade Complutense e que, principalmente, desenvolve o seu traballo como traumatólogo no Hospital Quirón A Coruña (Santa Teresa).
O Dr. Sampedro será o encargado da atención aos xogadores do fútbol formativo do Club. O Consello de Administración, a través da área Deportiva dirixida por Fernando Vidal, busca deste xeito reforzar a atención médica permanente e de calidade tamén para os equipos da canteira e femininos. A función principal do Dr. Sampedro será atender as incidencias médicas do fútbol base, desde benxamíns ata o Fabril, e do fútbol feminino (Dépor Abanca e Dépor Abanca B).
Os Servizos Médicos do Real Club Deportivo quedan, deste xeito, constituídos polos Doutores Arriaza, Lariño, Sampedro, e Barral, sendo este último o responsable dos mesmos.
