O Fabril coñecerá mañá martes 9 de agosto o seu calendario ligueiro en Tercera RFEF
O Fabril coñecerá mañá martes 9 de agosto o seu calendario de liga no grupo 1º de Tercera RFEF.
O sorteo realizarase a partir das 20:00 horas na sede da Federación Galega sita en Santiago de Compostela.
A liga para o Fabril arrancará o 11 de setembro de 2022 e finalizará o 23 de abril de 2023.
O playoff de ascenso a Segunda RFEF, que recupera o formato de ida e volta, terá as seguintes datas:
Primeira eliminatoria: 30 de abril (ida) e 7 de maio (volta) Segunda eliminatoria: 14 de maio (ida) e 21 de maio (volta) Final: 28 de maio (ida) e 4 de xuño (volta)
Un Fabril en plena pretemporada con dous amigables esta semana
O Fabril atópase en plena pretemporada, aínda que con moitos dos seus xogadores nos adestramentos e partidos do primeiro equipo.
Mella, Yeremay e Dani Barcia adéstranse ás ordes de Borja Jiménez desde o pasado 18 de xullo; mentres que Marcel, Ángel Puerto, Tim Caroutas, Jairo, Brais Val e Martín Ochoa tiveron tamén minutos en partidos e sesións de traballo co Dépor ao longo desta pretemporada.
Até a data, os pupilos de Óscar Gilsanz disputaron dous amigables en Abegondo: ante o Silva SD (2-0) e ante o CD Arenteiro, de Segunda RFEF (1-2).
Esta semana, o conxunto fabrilista ten outros dous partidos tamén na Cidade Deportiva: o mércores 10 ante o UD Somozas (19:00 horas) e o sábado 13 ante o Bergantiños CF, de Segunda RFEF (11:00 horas).