O Fabril impúxose (1-0) ao CD Choco en Abegondo nun duelo correspondente á 20ª xornada en Terceira División que resultou moi equilibrado, como así o predicía a clasificación: ambos os equipos chegaban ao choque igualados na 5ª praza con 31 puntos; aínda que os fabrilistas contan cun partido menos, o aprazado o pasado 21 de decembro en Abegondo ante o UD Paiosaco H. Añón debido á alerta meteorolóxica por temporal.
Con este resultado, o filial deportivista deixa atrás ao CD Choco ao sumar 34 puntos e entra na pelexa co Arosa SC pola 4 praza que dá dereito a disputar o playoff de ascenso.
O partido decidiuse no minuto 90 nunha acción desafortunada para o cadro redondelano que culminou en gol en propia meta do porteiro do CD Choco.
A pesar do desenlace, o resultado pode considerarse como xusto porque o Fabril foi superior en moitas fases do encontro.
Fabril: Álex Cobo, Valín, Martí Vilà, Bourdal, Juan Rodríguez, Gandoy, Javi Sánchez, David Sánchez, Pedro, Villares e Aarón. Tamén xogaron: Eimil, Pidlepenets e Jawed Boumeddane.
A próxima fin de semana, a Fabril visita ao Ourense CF.
Os resultados do equipo que dirixe Luisito até a data son os seguintes:
CD Choco 0 - Fabril 0
Fabril 2 (Gandoy e Mario Losada) - Ourense CF 0
CD Arenteiro 0 - Fabril 0
Fabril 4 (Gandoy, Mario Losada -2- e Pedro) - Alondras CF 1
SD Compostela 2 - Fabril 0
Fabril 2 (Aarón e Parga) - CD Barco 3
Bergantiños CF 1 - Fabril 3 (Aarón -2- e Pedro)
Fabril 1 (Mario Losada) - UD Somozas 1
Fabril 2 (Villares e Pedro) - Rápido de Bouzas 1
Polvorín FC 1 - Fabril 2 (Mario Losada -2-)
Fabril 3 (Aarón Sánchez, Mario Losada e Iago Parga) - UD Ourense 1
CD Estradense 0 - Fabril 2 (Javi Sánchez e Pedro)
Fabril 2 (Pedro e Gandoy) - CD As Pontes 1
Silva SD 2 - Fabril 1 (Mario Losada)
Fabril 0 - Racing Villalbés 1
CSD Arzúa 2 - Fabril 0
Fabril - UD Paiosaco H. Añón, o martes 25 de febreiro ás 16:15 en Abegondo
Arosa SC 0 - Fabril 0
Fabril 4 (Pidlepenets, Villares, Pedro e Aarón Sánchez) - CD Pontellas 0
Fabril 1 (o porteiro rival en propia meta) - CD Choco 0
