O Fabril estreará o seu calendario de pretemporada o vindeiro mércores 3 de agosto ás 19:30 h. cun primeiro amigable en Abegondo ante o Silva SD, tamén equipo de Terceira RFEF.
O filial deportivista goza dunha fin de semana de descanso e regresa aos adestramentos o luns 25 ás 10:00 horas con novidades no cadro. A Dirección de Fútbol Formativo acaba de pechar a incorporación de Tim Caroutas, un extremo dereito que chega da UE Cornellá. Tim únese así ao resto de fichaxes desta temporada: Ángel Puerto, Marcel Céspedes, Alejandro Pereira, Iván García e Jesús Ares. Os dous primeiros estreáronse onte á tarde co primeiro equipo en Arteixo no primeiro partido de pretemporada do Deportivo, na Dépor Xira Integral Motion 2022.
Pola súa banda, Víctor Manuel Castaño Terrazas 'Runy', a petición propia, non seguirá no Fabril e marcha ao CF Villanovense de Segunda RFEF despois do acordo alcanzado entre os dous clubes.
