O Fabril FC Benxamín enfróntase mañá martes 22 de xuño ao Atlético Coruña Montañeros CF na terceira e última xornada da Fase Final da Primeira Autonómica A Coruña de fútbol oito. O choque será na Cidade Deportiva da Torre ás 18:00 horas (campo 3.2).
Nesta Fase Final, que se xoga baixo o formato de liga a unha soa volta, completa o grupo o Benxamín A, xa campión de liga ao derrotar ao Fabril FC Benxamín (6-0) na primeira xornada e ao Atlético Coruña Montañeros CF (0-2) na segunda.
Os tres equipos accederon a esta fase definitiva após proclamarse campións dos seus respectivos subgrupos na primeira parte da temporada.
Antes do partido de mañá martes, o Fabril FC Benxamín debuta esta tarde no Trofeo Mini Teresa Herrera. O conxunto fabrilista farao ás 18:00 horas na Torre en oitavos de final, a partido único, ante o Orillamar SD.
