O Fabril impúxose (3-0) ao Rápido de Bouzas nun Abegondo abarrotado de #ANOSAFORZA na última xornada de liga en Tercera RFEF.
O filial suma así 53 puntos e, unido á derrota do Racing Villalbés no Couto ante o Ourense CF, clasifícase en quinta posición para disputar o playoff de ascenso a Segunda RFEF.
Os fabrilistas chegaban ao choque sétimos con 50 puntos, a 1 punto das dúas últimas prazas de playoff que ocupaban precisamente o CD Barco (4º) e o Rápido de Bouzas (5º).
O filial masculino tiña que gañar si ou si a un rival que tamén necesitaba puntuar para asegurarse a súa praza; e esperar a que o Racing Villalbés (6º con 50 puntos) non gañase no Couto ao Ourense CF, que se xogaba o ascenso directo co Polvorín FC.
O Fabril saíu lanzado e Runy e Davo puxeron xa en vantaxe ao equipo de Óscar Gilsanz nos primeiros 20 minutos de partido. Mella, que acaba de regresar de disputar dous partidos coa selección española sub-17 ante Francia, fixo o terceiro antes do descanso co que practicamente sentenciou o partido.
Fabril: Alberto, Iván Guerrero, Dani Barcia, David Suárez, Iano Simão, Mario Domínguez, Brais Val, Runy, Jairo, David Mella e Davo. Tamén xogaron: Víctor, Fabio, Juan Rodríguez, Currás e Nájera.
O Fabril pecha así unha liga regular con 15 partidos gañados, 8 empatados e 9 perdidos; e un balance de 49 goles marcados e 23 encaixados.
Óscar Gilsanz foi capaz de manexarse nunha temporada difícil, con moitos obstáculos como paróns por COVID, con futbolistas xa en dinámica do primeiro equipo, caso de Noel, Trilli e Yeremay; ou ben participando con regularidade en adestramentos e convocatorias, como Dani Barcia, Alberto, Juan Rodríguez, Brais Suárez, Brais Val, Iván Guerrero ou Davo por exemplo.
Ademais moitos dos fabrilistas foron a base do Xuvenil A que fixo historia na UEFA Youth League, con todo o que iso supón de desgaste físico e mental: Brais Suárez, Dani Barcia, Juan Rodríguez, Mella, Nájera, Mario...
Os resultados do Fabril en liga foron os seguintes:
Fabril 0 - Racing Villalbés 0
Noia CF 0 - Fabril 3 (Davo -2- e Yeremay)
Fabril 2 (Runy e Yeremay) - Viveiro CF 0
Polvorín FC 1 - Fabril 0
Fabril 1 (Davo) - CD Choco 0
Ourense CF 0 - Fabril 0
Fabril 2 (Davo -2-) - SD Sofán 0
SD Juvenil de Ponteareas 0 - Fabril 0
Fabril 2 (Runy e Fabio) - CD Barco 1
Alondras CF 1 - Fabril 0
Fabril 3 (Yeremay -2- e Runy) - UD Somozas 0
CSD Arzúa 2 - Fabril 1 (Runy)
Silva SD 1 - Fabril 2 (Davo e Dani Barcia)
Fabril 1 (Javi Sanmartín) - CD Estradense 2
Rápido de Bouzas 3 - Fabril 1 (Davo)
Racing Villalbés 1 - Fabril 0
Fabril 0 - CF Noia 0
Viveiro CF 1 - Fabril 0
Fabril 4 (Davo -3- e Nájera) - Polvorín FC 1
Fabril 2 (Runy e Davo) - Atlético Arnoia 0
Fabril 0 - Ourense CF 1
SD Sofán 0 - Fabril 3 (Mario, Víctor e Iano Simão)
Fabril 1 (Runy) - SD Juvenil de Ponteareas 1
CD Barco 1 - Fabril 1 (Javi Sanmartín)
Fabril 0 - Alondras CF 0
UD Somozas 3 - Fabril 1 (Víctor)
CD Choco 0 - Fabril 3 (Juan Cambón e Víctor -2-)
Fabril 2 (Yeremay e Jairo) - CSD Arzúa 0
Atlético Arnoia 0 - Fabril 3 (Mario e Davo -2-)
Fabril 6 (Nájera, Runy -3-, Iano Simão e Juan Cambón) - Silva SD 1
CD Estradense 2 - Fabril 2 (Victor e Mario)
Fabril 3 (Runy, Davo e Mella) - Rápido de Bouzas 0
