RCDeportivo RCDeportivo RCDeportivo
Skip to main content
GL
PORTADA

O Fabril recibe mañá mércores en Abegondo ao Silva SD en partido aprazado o mes de xaneiro

O Fabril recibe mañá mércores 24 de febreiro ás 19:30 no campo principal de Abegondo ao Silva SD en partido correspondente á 14ª xornada aprazado o pasado mes de xaneiro por COVID-19. O encontro será a porta pechada pola pandemia.

Os branquiazuis chegan ao encontro trala derrota do pasado domingo en Arzúa pola mínima (1-0) e con necesidade de puntuar para escalar postos na táboa do subgrupo A de Terceira División.

Juan Carlos Valerón citou a todo o seu cadro, ademais dos xuvenís Guille Bueno, Trilli, Yeremay e Nájera. Pérdense o encontro por lesión Iván Guerrero e Manu Mosquera.

O Fabril é actualmente sétimo na táboa con 21 puntos, pero con dous partidos menos xogados.