O fabrilista Kanouté é a principal novidade de Fernando Vázquez para o partido de mañá domingo 12 de xaneiro (12:00 horas) no campo Pistas do Helmántico ante o Unionistas de Salamanca CF, correspondente á 2ª eliminatoria da Copa do Rei.
Kanouté únese así a Mujaid, este xa habitual nas últimas citacións do primeiro equipo.
Causan baixa de maneira obrigatoria por lesión David Simón e Christian Santos; ademais de Koné, sancionado nesta competición pola súa expulsión en Illueca, na primeira eliminatoria.
No adestramento desta mañá, tamén co meta fabrilista Boian, após un quecemento con rondos, Fernando Vázquez dispuxo dun exercicio de finalizacións con porterías pequenas e unha serie de partidos en espazo reducido.
Os futbolistas que non estarán no choque copeiro tiveron traballo extra físico ao concluír a sesión de hoxe: Álex Bergantiños, Bóveda, Çolak, Somma e Koné.
O Deportivo viaxa esta tarde, segundo esta folla de ruta:
Sábado 11 de xaneiro
15:00: Saída en autocar a Salamanca
19:30 (horario aproximado): Chegada ao hotel NH Collection Salamanca Palacio de Castellanos
Domingo 12 de xaneiro
12:00: Unionistas de Salamanca CF - Deportivo, no campo Pistas do Helmántico
Ao concluír, comida no hotel e saída en autocar á Coruña.
Tralo partido, o equipo descansará o luns 13 e volverá aos adestramentos o martes 14 de xaneiro.
