O Infantil A iniciou a Fase polo Título da liga Galega con triunfo (1-5) na Coruña ante o Victoria CF, con tantos de Martín -2-, Rubén, Mella e Marco Baña.
O formato de competición é de liga a unha soa volta entre os os 8 primeiros clasificados do grupo norte (ademais do conxunto deportivista, Bertamiráns FC, ED Xuventude de Oroso, Victoria CF, Ural CF, Atlético Coruña Montañeros CF, Racing de Ferrol e CD Lugo) e os 8 primeiros do grupo sur (RC Celta, Ourense CF, Pabellón Ourense CF, ED Val Miñor Nigrán, CD Choco, UD Santa Mariña, EF Porteiro 2000 e Arousa SC). Os 4 primeiros desta Fase polo Título disputarán a definitiva Fase Final, esta vez baixo o formato de semifinais e final nunha única sede.
Infantil A: Rodrigo, Dani Ferrol, Rubén, Gabriel, Manu Berrocal, Carreira, Martiño, Monteagudo, Noah, Mella e Martín. Tamén xogaron: Diego, Marco Baña, Sierra, Domínguez e Jorge.
A próxima fin de semana, o Infantil A recibe en Abegondo ao ED Xuventude de Oroso.
