O Infantil A pechou hoxe en Abegondo a Fase polo Título da Liga Galega con triunfo sobre o CD Choco (9-2) e, por conseguinte, pleno de vitorias nos 15 partidos xogados.
Os branquiazuis, campións desde a pasada semana, sumaron 45 puntos de 45 posibles; foron os máximos goleadores (84 goles) e os menos goleados (12). Ademais, Mella foi o máximo realizador.
Ante o CD Choco, Domínguez -3-, Monteagudo, Mardones -2-, Marco Baña e Mella -2- foron os goleadores deportivistas.
Infantil A: Jorge, Diego Sánchez, Monteagudo, Dani Ferrol, Gabriel, Carreira, Sierra, Marco Baña, Mardones, Marcote e Domínguez. Tamén xogaron: Mella, Carlos, Manu Berrocal e Noah.
O próximo reto é a 'final a 4' este sábado 4 de maio no campo de Burgáns (Cambados). Ás 12:00, os deportivistas enfróntanse na segunda semifinal galega ao Pabellón Ourense CF. RC Celta e Bertamiráns FC protagonizan a outra (10:00). Pola tarde xogarase o terceiro e cuarto posto (16:00) e a gran final (18:00).
Os resultados do equipo que prepara David Lagar nesta Fase polo Título foron os seguintes:
Victoria CF 1 - Infantil A 5 (Martín -2-, Rubén, Mella e Marco Baña)
Infantil A 1 (Mella) - Xuventude de Oroso 0
RC Celta 3 - Infantil A 5 (Mella, Noah -2-, Martín e Meki)
Infantil A 9 (Mella, Domínguez -2-, Carlos -2-, Mardones -2-, Marcote e Martín) - Arosa SC 0
Ural CF 2 - Infantil A 4 (Domínguez, Mella, Manu Berrocal e Martín)
Infantil A 13 (Mella -4-, Marco Baña, Martín -3-, Domínguez, Gabriel, Monteagudo e 2 futbolistas rivais en propia meta) - EF Portero 2000 0
Ourense CF 0 - Infantil A 3 (Mardones, Mella e Marco Baña)
Infantil A 4 (Marcote, Marco Baña -2- e Mella) - Bertamiráns FC 1
Racing de Ferrol 2 - Infantil A 7 (Monteagudo, Carlos, Mella -4- e Domínguez)
Infantil A 2 (Marcote e Domínguez) - Atlético Coruña Montañeros CF 0
Infantil A 2 (Mella e Marco Baña) - ED Val Miñor Nigrán 1
CD Lugo 0 - Infantil A 8 (Marco Baña -2-, Mella -2-, Martín -2-, Noah e un futbolista rival en propia meta)
Infantil A 7 (Carreira, Sierra, Martín, Gabriel, Noah, Domínguez e Mella) - Pabellón Ourense CF 0
UD Santa Mariña 0 - Infantil A 5 (Noah, Mella, Carreira, Domínguez e Gabriel)
Infantil A 9 (Domínguez -3-, Monteagudo, Mardones -2-, Marco Baña e Mella -2-) - CD Choco 2
