O Colexio Dominicos - Santo Domingo da Coruña (na Cidade Vella) acollerá mañá venres 16 de decembro unha nova edición da campaña 'Os Nosos Valores', que promove o Real Club Deportivo.
Os futbolistas Raúl Albentosa e Carles Gil, e do Deportivo Feminino Raquel e Perdi, estarán ás 16.30 no citado centro educativo para compartir uns minutos con alumnos, profesores e membros da comunidade educativa.
O Club arrincou esta iniciativa lúdico-educativa esta temporada o pasado venres 28 de outubro no I.E.S. Viós de Abegondo, a escasos metros da cidade deportiva.
Durante toda esta semana, os nenos/as traballaron en talleres que o propio RC Deportivo remitiu aos profesores sobre os valores do fútbol en xeral e do deportivismo en particular.
Ademais dos futbolistas, no acto institucional de mañá venres participarán representantes do Consello de Administración e a directiva do Club, encabezados polo conselleiro Enrique Calvete.
O acto concluirá, como é habitual, cun sorteo de material do Dépor e unha foto de familia.
