PORTADA

O panameño Ismael Díaz volve poñer ao Fabril no mapa mundial

Panamá xogou hoxe por primeira vez na súa historia un partido nun Mundial de fútbol.

O encontro da selección centroamericana ante Bélxica, que se saldou con vitoria europea (3-0), volve ademais a deixar outro dato para a historia. Ismael Díaz, dianteiro panameño que milita no Fabril, xogou a última media hora do choque ante Bélxica e convértese no segundo futbolista da historia do filial deportivista en xogar unha Copa do Mundo.

O primeiro foi a meta Francis, que o pasado sábado foi titular no partido de Nixeria fronte a Croacia.

Onte domingo 17 houbo dobre representación deportivista no Campionato do Mundo de Rusia 2018: Celso Borges con Costa Rica; e Fabian Schär con Suíza.

Os 'Ticos' caeron (0-1) fronte a Serbia, co mediocentro branquiazul sobre o campo todo o partido.

Pola súa banda, Fabian Schär tamén xogou todo o encontro fronte a Brasil. O choque acabou en igualada (1-1) e o defensor do Dépor, que viu o cartón amarelo no minuto 64 por un agarrón a Neymar, salvou ao seu equipo no último minuto do partido ao despexar providencialmente un balón baixo os paus da súa portería.

Este é o calendario de partidos da fase de grupos mundialista para os 5 deportivistas:

Ismael Díaz

Copa do Mundo (Grupo G)
Luns 18 de xuño
BÉLXICA 3 - PANAMÁ 0

Domingo 24 de xuño
15:00: INGLATERRA - PANAMÁ, no Nizhny Novgorod Stadium

Xoves 28 de xuño
21:00: PANAMÁ - TUNISIA, no Mordovia Arena (Saransk)

Celso Borges

Copa do Mundo (Grupo E)
Domingo 17 de xuño
COSTA RICA 0 - SERBIA 1

Venres 22 de xuño
15:00: BRASIL - COSTA RICA, no San Petersburgo Stadium

Mércores 27 de xuño
21:00: SUÍZA - COSTA RICA, no Nizhny Novgorod Stadium

Fabian Schär

Copa do Mundo (Grupo E)
Domingo 17 de xuño
BRASIL 1 - SUÍZA 1

Venres 22 de xuño
20:00: SERBIA - SUÍZA, no Kaliningrad Stadium