RCDeportivo RCDeportivo RCDeportivo
Skip to main content
GL
ACTUALIDADE

O partido aprazado do Dépor ABANCA B ante o Victoria CF xogarase o martes 19 na Grela 1

O partido correspondente á 9ª xornada de liga no subgrupo A do grupo 1º de Primeira Nacional entre o Victoria CF e o Deportivo ABANCA B, que foi aprazado o pasado domingo 10 de xaneiro por un caso positivo de COVID-19 no conxunto deportivista e cinco xogadoras illadas máis ao ser contactos estreitos, xa ten data.

O Xuíz de Competición da RFEF fixou o mesmo para o martes 19 de xaneiro ás 19:00 no campo coruñés da Grela 1.

Ambos os equipos víronse as caras o pasado 20 de decembro, con motivo da VIII edición do Trofeo Teresa Herrera en ABANCA-RIAZOR. O resultado naquel partido foi de empate, resolto a favor das branquiazuis na quenda de penaltis.

Antes, este domingo 17 de xaneiro ás 17:30, o Deportivo ABANCA B visita ao Umia CF no campo da Bouza (Barrantes), en partido correspondente á 10ª xornada.

O Deportivo ABANCA B é actualmente segundo na táboa con 16 puntos en 7 partidos, dous puntos menos que o líder, o Viajes InterRías FF, que suma 18 puntos pero cun partido máis xogado.