RCDeportivo RCDeportivo RCDeportivo
Skip to main content
GL
PORTADA

O primeiro equipo atrasa en media hora o principio dos adestramentos matinais

A partir de mañá venres, o primeiro equipo atrasará en media hora o inicio do adestramento matinal. Así, en lugar da as 9:30 horas, os futbolistas comezarán a traballar todos os días ás 10:00 na Cidade Deportiva de Abegondo.

Os Servizos Médicos queren aumentar así o tempo de recuperación, aproveitando a benigna climatoloxía da Coruña.

Esta tarde, na terceira sesión de pretemporada, Pepe Mel xa realizou traballo táctico por grupos no campo 2 e 3. Ademais houbo un exercicio de posesión e, para finalizar, series de resistencia (cinco series de 1.200 metros cada unha), con zapatillas, para os xogadores de campo.

Borja Galán, con molestias nos isquiotibiais da súa perna esquerda, non se adestrou. Será sometido nos próximos días a probas médicas para ditaminar o alcance exacto da súa lesión.