RCDeportivo RCDeportivo RCDeportivo
Skip to main content
GL

O Real Club Deportivo e a Federación de Penas renovan o seu convenio de colaboración

  Tino Fernández, presidente do Real Club Deportivo e Tania Gómez, presidenta da Federación de Peñas, asinaron esta tarde en Riazor, por terceira tempada consecutiva, o convenio que regula as relacións entre as dúa

Tino Fernández quixo "felicitarlles polo traballo e o esforzo en favor desta paixón que compartimos que é o Deportivo e animarlles porque temos por diante unha tempada moi ilusionante e estou seguro que o que foi un bo ano terá continuidade. É impresionante a mobilización que temos en todos os campos, que a maioría están moi lonxe".

Para referendar esa afirmación o presidente do Deportivo repasou algúns datos da pasada tempada: "a bancada de penas alcanzou os 250 abonados, o que supón o 75% da súa capacidade. Actualmente temos petición de tres novas penas polo que a porcentaxe vai aumentar. Ademais xestionáronse conxuntamente un total de 12 desprazamentos, con 5.948 afeccionados, unha media de 30 penas desprazadas por partido e a viaxe que máis penas se desprazaron foi contra o Sporting de Xixón, con 65".
 
"Tivemos outros actos como 7 inauguracións de Penas, outras 7 entregas de premios concedidos por penas, organización do Día das Penas no partido contra o Athletic de Bilbao, máis outros tantos actos sempre con presenza institucional e do primeiro persoal. Temos xa 4 inauguracións pendentes para a presente tempada", continuou.
 
Para reafirmar a fluidez das relacións afirmou que "se mantiveron sempre reunións semanais tanto presenciais, telefónicas ou online coa Federación de Penas o que pon en manifesto a relación de colaboración e confianza e de alta satisfacción co seu traballo, ademais doutras 33 reunións presenciais con diferentes penas para atender as súas peticións ou propostas".
 
En canto ás cifras de agrupacións destacou que "no libro de rexistro do Club constan 170 penas oficiais e rexistradas e neste sentido gustaríame reiterar a importancia de manter actualizados os datos dentro do mesmo. Este ano incorporáronse dentro desas 170, 13 novas penas".
 
Para pechar a análise da pasada campaña falou dunha experiencia pioneira: "desenvolvéronse 16 xornadas de Destino Riazor con 8 rutas distintas en cada unha delas, do que se beneficiaron 4.082 deportivistas, entre eles varias das nosas penas como a de Verín, Vilagarcía, Santiago ou Rías Baixas entre outras. Respondendo a 3.006 correos electrónicos durante a Tempada só para este proxecto que queremos consolidar".
 
Por último avanzou o dato de que "este ano estamos un pouco por encima da campaña de abonados do ano pasado, o aumento de renovacións na web ou a achega da cita previa, que dá a sensación de non colas e permite a todos os socios esperar menos despachando os mesmos abonos".
 
Pola súa banda Tania Gómez comezou respondendo que "eses números son os que nos fan sentirnos orgullosos do traballo que facemos, que é moito traballo. En todos os partidos sempre houbo polo menos 50-100 afeccionados, o mérito é de todos os que apoian ao equipo. As relacións entre ambas as partes sempre foron moi fluídas e este convenio é a fórmula que decidimos renovar porque o que funciona ben só é cuestión de melloralo" Tamén quixo "agradecer a todas as penas e á todos os afeccionados que apoian ao equipo fose e en Riazor, e ao propio Dépor por apoiar a todos os seus seguidores porque a pesar de que nalgúns campos a afección do Dépor non foi tratada correctamente, sempre houbo alguén do Club para botarnos unha man. O ano que vén a nosa intención é seguir igual, viaxando e animando ao equipo", concluíu.