O Real Club Deportivo e Eduardo Expósito Jaén (1 de agosto de 1996) chegaron a un acordo para ampliar a súa relación contractual ata o verán de 2022. Ademais, o futbolista do Fabril, que traballa a diario co primeiro equipo, será a partir do próximo verán, integrante do cadro profesional branquiazul.
Edu Expósito recalou no filial deportivista no verán de 2015 procedente do CF Damm, equipo no que, xunto ao CF Cubelles, CF Vilanova e o CF Gavà, militou o centrocampista antes de chegar ao Dépor.
O xogador branquiazul debutou a pasada tempada en LaLiga Santander no partido disputado en Abanca-Riazor fronte ao Espanyol. Este ano acumula 521 minutos e un gol en seis partidos co Fabril, perdéndose dous citas do filial por estar convocado co primeiro equipo.
