O Dépor regresaba a ABANCA-RIAZOR após o parón da pasada fin de semana e case un mes sen competir como local co reto de superar ao mellor equipo lonxe da súa casa xunto co propio equipo branquiazul e un dos dous rivais que logrou derrotar aos coruñeses na primeira volta. Respecto da visita a Zamora, Borja Jiménez optou polo regreso de Héctor ao lateral esquerdo no lugar de Aguirre e de Miku arriba en lugar de Quiles.
Empezou o partido con moita intensidade e ocasións en ambas as áreas. William de Camargo xerou a primeira no minuto 2 gañando liña de fondo que non atopou rematador en boca de gol. O centro de Trilli para Juergen en senguda xogada provoca o primeiro lanzamento, desviado, do colombiano sobre a portería irundarra. A resposta visitante obrigou a Mackay a realizar unha estirada abaixo a remate franco e raso contra o pau de Carlos Bravo.
O Real Unión agrupou liñas en campo propio dificultando o movemento do balón do Deportivo, que tiña que abrir o xogo e esperar a detalles de calidade individuais para atopar algún oco. Foi o caso dunha gran xogada en banda entre Soriano e Trilli que se interna na área e deixa atrás para Noel que non é capaz de conectar co balón só ante Jon Irazusta.
Tres minutos despois unha condución de Alain Oyarzún até 30 metros da portería desde onde lle pegou coa zurda para atopar o recanto da portería de Ian Mackay e anotar o primeiro gol, un golazo, do partido. A resposta Deportivista, outra vez pola dereita con Noel, Soriano e Trilli, deixando nesta ocasión no punto de penalti para Juergen, que lle pega desviado. Foi a antesala da que estivo máis preto de entrar no primeiro tempo após un corredor que se abriu entre a defensa Lapeña que, desde a frontal, mandouna ao traveseiro.
O Dépor seguiuno tentando por ambos os costados e a balón parado, desde onde chegou a xogada máis polémica da primeira metade. Un balón que ía rematar Miku, ao que cargan por detrás e desequilibran para que se abra a cabeza contra un central sen que o árbitro considere que na xogada haxa penalti.
Por contra, após o movido final do primeiro tempo con esa xogada, Cid Camacho si considerou pena máxima unha caída de William cando se internaba pola esquerda. Só transcorreran 30 segundos da continuación e Miku dispuña do segundo penalti da temporada, segundo consecutivo en casa, segundo no que asumía a responsabilidade e, igual que o día do Talavera, de novo con acerto para o porteiro ante o dianteiro Deportivista. Un penalti que se debeu repetir porque Jon Irazusta adiantouse da liña antes de lanzarse a despexar o balón. Nas xogadas posteriores Álex Bergantiños e o propio Miku dispararon alto dando o bandeirazo de saída ao asedio branquiazul após o descanso. Saques de esquina consecutivos, balóns colgados e boas chegadas do Dépor durante moitos minutos que non acababan de callar.
E como adoita suceder nestes casos, nunha contra, Alain Oyarzun conduciu até dentro da área e case a liña de fondo para gañar o man a man a Mackay e pór o 0-2 no marcador, un xerro de auga fría para o Deportivismo que reaccionou, igual que desde o banco fíxoo o equipo cos cambios, buscando tentar remontar por primeira vez un resultado tan adverso.
O recentemente entrado Quiles puido anotar de cabeza após un gran centro de Trilli. Non fallou Juergen cun golazo desde fóra da área que volvía meter aínda máis ao equipo e a afección no partido, mentres que o Real Unión trataba de manter a vantaxe por todos os medios. Saques de esquina, balóns á área e tres claras ocasións marcaron o desenlace do partido. Sobre todo, nos últimos minutos e a prolongación. Menudo lixeiramente desviado no 89, Doncel coa destra abaixo para que atallase Irazusta e de novo Menudo sacando a última falta parada sobre a liña, asinaron as oportunidades que poderían salvar un punto e a imbatibilidade do equipo en ABANCA-RIAZOR. Finalmente, o Real Unión mellorou as súas estatísticas como visitante con tres novos puntos lonxe do Stadium Gal na primeira derrota esta temporada e en moitos meses da anterior do Dépor ante a súa afección.
RC Deportivo: Mackay, Trilli (Doncel, min. 88), Lapeña, Jaime, Héctor Hernández (Diego Aguirre, min. 67), Álex Bergantiños (Menudo, min. 67), Juergen, Noel (Quiles, min. 54), Mario Soriano (Álvaro Rey, min. 54), William e Miku.
Real Unión: Jon Irazusta, Iván Pérez, Barbudo, Elosegi, Gorka Kijera, Miguel Santos, Vivancos, Sergio Llamas (Aitor Seguín, min. 73), Quique Rivero (Anatz Elizondo min. 63), Alain Oyarzun (Nacho Sánchez min. 63) e Carlos Bravo (Mikel Pradera, min. 85).
Goles: 0-1 Alain Oyarzun (min. 23); 0-2 Alain Oyarzun (min. 51); 1-2 Juergen (min. 72)
Árbitro: Cid Camacho (c. Castelán-Leonés). Amoestou a Rivero (min. 26), Jurgen (min. 45) e Aitor Seguín (min. 90+3).
Incidencias: partido da 22ª xornada de Primeira RFEF disputado no Estadio ABANCA-RIAZOR ante uns 12.000 espectadores. Antes do partido gardouse un minuto de silencio en memoria de Luis Sánchez Doporto, exconselleiro do RC Deportivo, falecido recentemente.
