Manu Sánchez recoñeceu na zona mixta de ABANCA-RIAZOR que o salto entre a Segunda Nacional e a Primeira Iberdrola, categoría á que pertence o UD Granadilla é "moi grande, abismal. Xa preparamos unha pretemporada esixente, con partidos como o de hoxe, para tentar ver se chegamos a ese ritmo".
Sostén o técnico deportivista que "o talento non nos falta pero fáltanos outro tipo de ritmo, intensidade, outra velocidade".
Mostrouse "encantado" cos novos reforzos: "As dúas porteiras dannos cousas que antes non tiñamos. É un salto de calidade grande. Tanto Villegas como Noelia Méndez estiveron bastante ben as dúas. Viuse no campo. Athenea é a que menos minutos leva connosco. Ten esa desenvoltura, esa explosividad que nos vai a dar cousas".
A internacional Carlota entra na lista para Copa Deputación de mañá domingo en Santiago
Sen tempo para recuperar, o Deportivo ABANCA visita ao Victoria FC mañá domingo 11 de agosto ás 19:00 horas en semifinais da Copa Deputación.
O choque será no Municipal de Santa Isabel, con entrada gratuíta para os afeccionados.
A novidade na convocatoria de Manu Sánchez foi a inclusión da internacional sub-19 Carlota, que acaba de regresar do Torneo COTIF de L'Alcudia (Valencia) coa selección española.
Completan a citación as seguintes xogadoras: Miralles, Esther Sullastres, Patri López, Érika, Alba Suárez, Yamamoto, Peke, Sofía, Teresa Abelleira, Michelle Romero, Gaby, Kika, Iris, Nuria Rábano e Sara Álvarez.
As deportivistas apearon nesta competición ao Once Caballeros CF (dezaseisavos de final), UD Paiosaco Hierros Añón (oitavos de final) e Orzán SD (cuartos de final).
As citas de pretemporada previstas para o Dépor ABANCA, cos resultados dos partidos xa xogados, son as seguintes:
Mércores 31 de xullo, dezaseisavos de final da Copa Deputación: Once Caballeros CF 0 - Deportivo ABANCA 4 (Nuria Rábano, Kika, Peke e Noelia Villegas)
Domingo 4 de agosto: Campo da Eragudina (Astorga), Deportivo ABANCA 0 - Madrid CFF 2
Luns 5 de agosto: Oitavos de final da Copa Deputación, campo da Porta Santa (Paiosaco), UD Paiosaco Hierros Añón 0 - Deportivo ABANCA 8 (Patri López -3-, Nuria Rábano -2-, Peke -2- e Silvia Mérida)
Xoves 8 de agosto: Cuartos de final da Copa Deputación, Abegondo: Orzán SD 0 - Dépor ABANCA 9 (Michelle Romero, Yamamoto, Peke -3-, Alba Suárez, Patri López, Gaby e unha futbolista rival en propia meta)
Sábado 10 de agosto: Trofeo Teresa Herrera, Estadio ABANCA-RIAZOR, Deportivo ABANCA 1 (Alba Merino) - UD Granadilla 5
Domingo 11 de agosto: Semifinais da Copa Deputación, Municipal de Santa Isabel (Santiago), 19:00 h, Victoria FC - Deportivo ABANCA
Sábado 17 de agosto: Trofeo '3 en 1' Vila de Jovellanos, campo de Santa Cruz (Xixón): Deportivo ABANCA, Sporting de Gijón e Real Oviedo Feminino
Sábado 31 de agosto: SC Braga - Deportivo, en Braga (Portugal)