O Xuvenil A abre mañá venres ás 20:00 horas en Abegondo o calendario de amigables de #ANOSACANTEIRA previsto para esta fin de semana. O rival será o CSD Arzúa de Tercera RFEF.
Será a segunda cita para os pupilos de Manuel Pablo nesta pretemporada despois do choque da pasada fin de semana en Cee ante o Real Madrid e que se saldou con triunfo merengue: 0-4.
A fin de semana haberá amigable ademais para o Fabril, concretamente o sábado ás 11:00 en Abegondo; e o Xuvenil B, o domingo ás 19:00 en Valdoviño.
O filial deportivista derrotou onte pola tarde (2-0) ao Silva SD a pesar de contar con moitas ausencias: Davo, lesionado; e Jairo, Brais Val, Martín Ochoa, Tim Caroutas, Marcel, Ángel Puerto, Mella e Yeremay, citados para o amigable do primeiro equipo en Vilalba ante a SD Ponferradina tamén onte pola tarde.
Padín e Iván foron os autores dos goles do Fabril, os primeiros nesta pretemporada.
O calendario de partidos amigables desta semana, cos resultados dos xa xogados, é o seguinte:
Terceira RFEF
FABRIL 2 (Padín e Iván) - SILVA SD 0
FABRIL - SD ARENTEIRO, o sábado 6 de agosto ás 11:00 en Abegondo (campo 4)
Categoría xuvenil
XUVENIL A - CSD ARZÚA (Tercera RFEF), mañá venres 5 de agosto ás 20:00 horas en Abegondo
SD VALDOVIÑO (Primeira Aut.) - XUVENIL B, o domingo 7 de agosto ás 19:00 no campo de fútbol de Mourente (Valdoviño)
