- Foto: @UEFAYouthLeague -
O sorteo da UEFA Youth League para o Xuvenil A, na Ruta dos Campións Nacionais, terá lugar mañá martes 31 de agosto a partir das 14:00 horas en Nyon (Suíza).
Os equipos participantes nesta ruta, a outra é a dos clubs que xogan a UEFA Champions League sénior, terán que disputar dúas eliminatorias.
A primeira rolda, con 16 emparellamentos, xogarase o 29 de setembro (ida) e o 20 de outubro (volta). A segunda rolda, con 8 eliminatorias, xogarase o 3 e 24 de novembro.
O Comité de Competicións da UEFA dividiu aos 32 equipos en catro bombos de oito equipos cada un segundo criterios xeográficos. O sorteo será puro e a orde de extracción das bólas ditaminará a orde de partidos. A continuación, sobre as 14:20 horas, procederase a sortear a segunda eliminatoria baixo o mesmo sistema.
O rival do Xuvenil A nesta primeira eliminatoria e o dunha hipotética segunda eliminatoria sairá de entre estes equipos, encadrados no Grupo 1:
-AC Sparta Praga (República Checa)
-PAOK Salónica FC (Grecia)
-HNK Hajduk Split (Croacia)
-MKS Pogoń Szczecin (Polonia)
-MŠK Žilina (Eslovaquia)
-MTK Budapest (Hungría)
-KF Shkëndija Tetovo (Macedonia do Norte)
Os 24 equipos que completan a Ruta dos Campións Nacionais son os seguintes:
Grupo 2:
-FC Colonia (Alemaña)
-KRC Genk (Bélxica)
-APOEL FC Nicosia (Chipre)
-Maccabi Haifa FC (Israel)
-FC Kairat Almaty (Casaquistán)
-FC Minsk (Bielorrusia)
-FK Žalgiris Vilnius (Lituania)
-BFC Daugavpils (Letonia)
Grupo 3:
-Empoli FC (Italia)
-AZ Alkmaar (Países Baixos)
-Trabzonspor AS (Turquía)
-Qäbälä SC (Acerbaixán)
-PFC Septemvri Sofía (Bulgaria)
-NK Domžale (Eslovenia)
-Akademia e Futbollit (Albania)
-FC Zvijezda 09 (Bosnia Herzegovina)
Grupo 4:
-Angers SCO (Francia)
-FC Midtjylland (Dinamarca)
-Rangers FC (Escocia)
-Estrela Vermella de Belgrado (Serbia)
-Hammarby FB (Suecia)
-Rosenborg BK (Noruega)
-AFK Csikszereda MC (Romanía)
-Saint Patrick's Athletic FC (Irlanda)
Os oito sobreviventes desta ruta emparellaranse cos oito subcampións da Ruta Champions League nunha eliminatoria que se sorteará o 14 de decembro e xogarase o 8 e 9 de febreiro, a partido único. De aquí sairán os oito equipos que completarán os oitavos de final cos oito campións de grupo da Ruta Champions League.
