O Xuvenil A estreou con triunfo a semana de amigables en #ANOSACANTEIRA
Hoxe mércores arrancaron os amigables de pretemporada para #ANOSACANTEIRA, con compromisos para Xuvenil A, Xuvenil B, Cadete A e Cadete B.
Esta mañá no campo do Monte, o Xuvenil A impúxose (4-1) ao Ural CF A. O técnico branquiazul, Álex Antón, aliñou a todo o seu cadro en busca de minutos de rodaxe. Alfonso, Edu, Urdiales e Luque foron os primeiros goleadores do Xuvenil A.
Os seguintes amigables serán o sábado 10 de agosto na Cidade Deportiva (Xuvenil A, Xuvenil B, Cadete A e Cadete B), con entrada libre para os afeccionados.
A semana complétase co Trofeo Mini Teresa Herrera, cuxa final benxamín en ABANCA-RIAZOR disputarana o mesmo sábado 10 de agosto (16:30 horas) o Deportivo A e o Atlético Coruña Montañeros CF.
O calendario de partidos, cos resultados dos xa xogados, é o seguinte:
Categoría xuvenil XUVENIL A 4 (Alfonso, Edu, Urdiales e Luque) - URAL CF A 1 XUVENIL A - ATLÉTICO CORUÑA MONTAÑEROS CF (sénior), o sábado 10 de agosto ás 18:00 en Abegondo (campo 5)
XUVENIL B - FC PORTO, o sábado 10 de agosto ás 16:00 en Abegondo (campo 3)
Categoría cadete CADETE A - URAL CF B (xuvenil), o sábado 10 de agosto ás 11:00 en Abegondo (campo 7)
CADETE B - FC PORTO, o sábado 10 de agosto ás 16:00 en Abegondo (campo 4)
Categoría benxamín Final Mini Teresa Herrera BENXAMÍN A - ATLÉTICO CORUÑA MONTAÑEROS CF, o sábado 10 de agosto ás 16:30 en ABANCA-RIAZOR