O Xuvenil B visita mañá mércores 19 de maio ao Coruxo FC en partido correspondente á 4ª xornada da segunda fase da Liga Nacional, grupo 1C de ascenso, aprazado o pasado 8 de maio por COVID-19 no vestiario deportivista. O choque arrancará ás 20:00 no campo de Fragoselo (Vigo).
A última xornada desta segunda fase será o domingo 23 de maio ás 12:00, en horario unificado para todos os partidos con incidencia na clasificación. Nesta última cita, o Xuvenil B recibe en Abegondo ao RC Celta B.
Deportivistas e célticos marchan igualados á fronte da táboa con 58 puntos, aínda que os pupilos de Alejandro Antón e Aldo Duscher teñen aínda pendente o encontro de mañá mércores ante o Coruxo FC.
